0216-0217 宇宙船 #扭蛋劇場 粉紅色的一生
N: 睇中哩個款呀？而家新年有折喎。等我介紹下啦，哩個款舊就舊啲囉，不過哩啲嘢又唔追款㗎啫可，最梗要實用，實淨，咁就萬無一失啦。你睇下先吖，有需要就叫我吖，我地啱啱開番工，可能可以私人俾多個staff discount你呀……慢慢睇，我去招呼一下其他客人先。
N: 你兩個人用，都夠晒大架啦，咩都裝得落啦，你成個人捐入去都得呀！定你諗住係移民架？移民好吖，聽講台灣移民政策都唔差喎……
N: 唔係移民呀？即係同男朋友去旅行哩？不過而家就真係未有得飛住囉，不過冇緊要呀，同男朋友離開下屋企，是但搵個地方staycation都開心呀。
N: 男朋友唔肯飛都好合理嘅，疫情嚴重係咪？咁你咪多啲去見下佢囉，一樣啫，哩個夠你裝成世嘅衫過去呀！
N: 要返哩個款呀？吖你睇咁耐都係鐘意舊款喎。明嘅！女仔都係鐘意粉紅色㗎喇！我去check check有冇新吖。
N: 唔好意思呀小姐，哩個款呢，我地冇晒新㗎啦，應該直頭冇再出呀，我都唔知點解會出現喺哩度呀。
N: 我連價錢都講唔到你知呀，唉，不如咁吖，既然你講到係紀念日，不如我送俾你啦，反正放喺度都係display啫，又賣唔出喇，咁不如送俾你同你男朋友，一齊一生一世啦，永結同心呀下。
Search